قصيدة بوسي وشمي

>
> >بوسي وشمِّي
> >معد الجبوري
> >
> >
> >ما ظل الا الزمَنْ الأَعمِي
> > يلعَبْ بينا جُوله وطَمِّي
> >بلحظة كبغْنا وكنا زغاغْ
> > تفرَّقْنا ، وما ظلتْ لَمِّي
> >يا موصل، يا حبّة قلبي
> > يل حبكي مجبول بدمِّي
> >يا بقلاوة ، بدّهُن الحُر
> > طعما لي هسَّع بثمِّي
> >بالماضي وأيامو أحلم
> > أشهقْ ويفزّزني حلمي
> >مشتاق وأسْفقْ كف بكَفْ
> > والدني بعيوني معتمي
> >أذَّكَرْ كل حجغ بحايط
> > لمحلّي، ويعصغْنِي هَمِّي
> >جِدِّي وابوي وكل جيراني
> > وعماتي وخالاتي وأمي
> >يا مِن ياخذني للموصل
> > وبكل حايط يكتبْ أسمي
> >مِن يَم حمَّام المنقوشة
> > لي باب عغَاق وللثلمِي
> >عوجي تجغْنِي وتحضنْ عوجي
> > عتَبِي عتبي تمرْ من يَمّي
> >تغْشَعْني الحلوات وتلتم
> > وِحدي وحدي.. وما أسَمِّي
> >تسأل ليش اكبغت ليش
> > ومنين جتَّكْ هل حمِّي
> >لمْحلِّي تسألنا عنَّكْ
> > عم وخال وخالي وعَمِّي
> >كل أودا حلوي وإيوان
> > تطلبْ منَّكْ بوسي وشَمِّي
> >*
> >موصل يا أغض الشقّيق
> > يا كوكختي فوق القمي
> >يل بيها على قَد الحال
> > عشنا وكانت تكفي اللقْمِي
> >يا من ياخذْ كل أموالي
> > ويا خذني ال أيام النعمي